KAMATI YA FEDHA NA UTAWALA YAWATAKA WATAALAM KUJIFUNZA KUPITIA MRADI WA BOOST

Posted on: August 2nd, 2023

Kamati ya Fedha na utawala  imewataka wataalam kujifunza kupitia mradi wa Boost  juu ya usimamizi madhubuti wa miradi inayoendelea kutekelezwa katika manispaa ya Singida ili miradi hiyo kuwa na kiwango chenye ubora

Wajumbe wa Kamati hiyo, walitoa wito huo wakati wa ziara ya kutembelea miradi ya Maendeleo huku wakihimiza wataalam kutobweteka kwa ushindi uliopata Manispaa baada ya kukamilisha mradi wa Boost kwa wakati na majengo ya vyumba vya madarasa kujengwa katika viwango venye ubora wa juu.

Mwenyekiti wa Kamati ya Fedha na Utawala Mstahiki Meya wa Manispaa ya Singida, Yagi Maulid Kiaratu, amesema mafanikio /ushindi uliopatikana kwa Manispaa ya Singida umetokana na ushirikiano na mawasiliano baina ya Viongozi, wataalam na watekelezaji wa mradi hivyo hatarajii kuona mradi unachelewa ama kukwama kwa sababu yoyote ile.

 Miradi inayoendelea kutekelezwa ni pamoja na Ujenzi wa jengo la utawala, Machinjio mpya, ujenzi wa shule Mpya ya Sekondari ya Utemini, nyumba ya walimu Shule ya sekondari Uhamaka, Kituo kipya cha Afya kata ya Mtipa, na Ukarabati wa Hospitali ya Manispaa ya Singida.