.MANSPAA YA SINGIDA YATWAA MATAJI UMISETTA

Posted on: June 13th, 2024

Halmashauri ya Manispaa ya Singida imefanikiwa kutwaa mataji mawili katika michuano ya UMISETTA ngazi ya mkoa wakati mashindano hayo yakifungwa rasmi jana, ikitwaa taji la soka la wanawake na mchezo wa wavu.

Katika mashindano hayo ambayo yalishindanisha wilaya saba za Mkoa wa Singida, yaani Manyoni, Itigi, Iramba, Mkalama, Singida DC, Ikungi na Manispaa, ikiwa ni sehemu ya maandalizi ya kuandaa timu ya Mkoa wa Singida ambayo itashiriki UMISETTA taifa mkoani Tabora kuanzia Juni 17, 2024.

Manispaa katika michuano hiyo walitwaa taji la soka kwa upande wa wasichana ambao waliifunga Ikungi bao 1-0. Katika mchezo wa Wavu, Singida waliibuka na ushindi wa seti 2-1 dhidi ya Iramba na kuwa mabingwa.

Katika riadha wasichana walishika namba moja huku wavulana wakishinda namba mbili. Lakini kwa mchezo wa kikapu wavulana walishika nafasi ya pili wakati Itigi akiibuka bingwa. Fani za ndani Manispaa walishika nafasi ya tatu kama ilivyokuwa kwa mchezo wa mpira wa pete(Netball).