UKATILI WA KIJINSI UNAZUILIKA

Posted on: December 10th, 2023

Kilele cha Maadhimisho ya Siku 16 za kupinga ukatili wa kijinsia Mkoa wa Singida zimehitimishwa rasmi leo, Desemba 10,2023.

Katika kuhitimisha kampeni hiyo ya siku 16, Katibu Tawala Mkoa Msaidizi wa Singida, Stephen Pancras amesisitiza kuwa jamii, Taasisi za umma na binafsi zichukue hatua na kuongeza ulinzi kwa wanawake na watoto dhidi ya ukatili wa kijinsia kwani ukatili wa kijinsia unazuilika.

Kampeni ya kilele cha ukatili wa kijinsia kwa mwaka huu, ilikuwa na kauli mbiu ambayo ilikuwa ni 'Ni Wekeza Kuzuia Ukatili wa Kijinsia' ambapo ilifanywa kwa siku 16 kabla ya leo kuhitimishwa.

Kiongozi huyo alisema kuwa utafiti ambao umefanyika mwaka 2022 katika Mkoa wa Singida wanawake wenye umri kuanzia miaka 15-49 wamefanyiwa ukatili wa kimwili na kingono au kihisia na wenza wao ni asilimia 45.

Aidha kiongozi huyo alisema kuwa wanasingida kama mkoa wanatakiwa kuwa na kujenga nguvu moja katika kupinga ukatili na mkoa unahitaji kuwekeza katika juhudi mbalimbali za kupinga vitendo vya ukatili kwa watoto, wanawake walemavu na makundi maalum kwani wamekuwa wakipata madhara kama magonjwa, kuacha shule na kukwamisha shughuli mbalimbali za uchumi.

Aidha alisema Mkoa wa Singida unahitaji kuwekeza nguvu katika kupinga na kukomesha ukatili kwa watoto na wanawake sababu umekuwa na madhara makubwa.

Hata hivyo, serikali imekuja na mpango kazi wa kutokumeza na kupiga ukatili wa kijinsia kufikia mwaka 2028 kwa asilimia 50 kwa kushirikia na Jeshi la Polisi, SUMAUTAJA, vyombo vya habari pamoja na wadau wa maendeleo.

Mkoa wa Singida umeendelea kutoa elimu ya ukatili wa kijinsia katika Halmashuri zake saba kwa kutoa elimu mashuleni, mikutano ya hadhara na maeneo mbalimbali kama sokoni vituo vya bodaboda na ni kuhakikisha ukatili wa kijinsi unatokomezwa.

Kiongozi huyo alisema mpaka sasa changamoto kubwa imekuwa utekelezaji wa sheria ya ukatili wa kijinsia, kwani ushirikiano umekuwa ni mdogo kutoka kwa jamii hususan baada ya kufunguliwa kesi, usiri wa kuficha maovu hasa kwa upande wa familia na pia wanaume wamekuwa na mwamko mdogo katika utoaji wa taarifa.