.." AMEONDOKA JEMBE, AMEINGIA JEMBE" - DC GONDWE

Posted on: December 14th, 2024

Watumishi wa Manispaa ya Singida, viongozi wa taasisisi mbalimbali mkoani Singida,na  wafanyabiashara jana walingana kwa Pamoja katika sherehe ya kumuaga aliyekuwa Mkurugenzi wa Manispaa ya Singida, Ndg. Jeshi Godfrey Lupembe aliyehamishiwa Halmashauri ya Wilaya ya Morogoro na kumkaribisha Bi. Joanfaith John Kataraia aliyemkuwa Mkurugenzi wa Halmashauri ya wilaya ya Morogoro, ambaye kwa sasa ndiye Mkurugenzi wa Manispaa ya Singida.

Mgeni rasmi katika Sherehe hiyo, iliyofanyika katika ukumbi wa KBH Royal Village,  Mkuu wa wilaya ya Singida, Mhe. Godwin Gondwe, aliwapongeza viongozi hao waliobadilishana ofisi na kusema “ameondoka jembe na ameingia jembe” na kuwataka watumishi kuendelea kutoa ushirikiano kwa kiongozi mpya ili kufikia malengo kusudiwa ya maendeleo.

Aidha amepongeza mshikamano uliooneshwa na watumishi wa Manispaa ya Singida, waheshimiwa Madiwani, na Taasisi mbalimbali na kusisitiza kudumishwa kwa mshikamano na upendo baina ya watumishi, taasisi, wafanyabiashara kwani lengo ni kujijenga Singida kwa pamoja.

Viongozi hao wawili (Muagwa na Mkaribishwa) kila mmoja kwa nafasi yake walitoa shukrani kwa watumishi kwa ushirikiano, upendo na kwa kuheshimishwa na watumishi wenzao na kusema watauenzi ushirikiano, upendo na heshima walioonyeshwa kwa kufanyakazi kwa bidii ikiwa njia ya kurudisha fadhila kwa wanatumishi hao.

Naye Mstahiki Meya wa Manispaa ya Singida Yagi Maulid Kiaratu, katika salamu zake za shukrani kwa Mkurugenzi Lupembe, amesema atakumbukwa siku zote kwa harakati zake za kuiletea Singida Manispaa maendeleo na kumtaka mbio za maendeleo alizozianzisha katika manispaa ya singida akaziendeleze pia katika Halmashauri ya wilaya ya Morogoro kwani sote tunalijenga taifa moja.

Aidha Mstahiki Meya Kiaratu, alimkaribisha Mkurugenzi mpya, Bi. Joanfaith Kataraia na kusema Mkurugenzi huyo siyo mpya kikazi bali kiofisi na kwamba harakati zake za kuwaletea wananchi wa Manispaa ya Singida maendeleo zinaonekana  na kuwataka watumishi, waheshimiwa madiwani, Chama Tawala wilaya ya Singida kumpa ushirikiano wa dhati katika safari yake ya kuleta maendeleo.

#kazinaiendelee