BAJETI 2025/2026 YAPITA BILA KUPINGWA MANISPAA YA SINGIDA

Posted on: January 22nd, 2025

• • 
    

    
    

    
    

    
    

    
    Rasimu ya mpango wa bajeti ya Manispaa ya Singida kwa mwaka wa fedha 2025/2026 inayokadiriwa kutumia zaidi ya bilioni 45, imepitishwa leo bila kupingwa na wajumbe wa Baraza la Madiwani. Wajumbe hao wameipongeza bajeti hiyo kwa kuzingatia miradi itakayogusa kila kata na pia kuzingatia stahiki za watumishi na viongozi.
    Akizungumza mara baada ya kumalizika kwa mkutano huo, Mkurugenzi wa Manispaa ya Singida,Bi Joanfaith Kataraia, alisema kuwa bajeti ya mwaka huu imezingatia maeneo muhimu ikiwemo kukamilisha miradi ya viporo, kulipa stahiki za watumishi na viongozi, na pia kusaidia vikundi vya kiuchumi vya wanawake, vijana na watu wenye ulemavu kupitia asilimia 10 ya mapato ya ndani.
    Kataraia aliongeza kuwa miradi ya viporo iliyozingatiwa ni pamoja na kukamilisha miundombinu ya elimu, ambayo itaboresha mazingira ya kujifunzia na kufundishia kwa wanafunzi na walimu.
    Aidha, kutakamilishwa jengo la utawala ili kurahisisha utoaji wa huduma kwa wananchi, pamoja na kuboresha ofisi za mitaa na vijiji.
    Pia, Mkurugenzi huyo alitaja kuwa bajeti hiyo imetilia mkazo utoaji wa huduma za ugani kwa wakulima na wafugaji ili kuwawezesha kulima kilimo chenye tija, huku kilimo na mifugo vikihesabiwa kama vyanzo muhimu vya mapato ya Halmashauri.
    “Ofisi yangu, kwa kushirikiana na timu ya menejimenti, imejipanga vyema katika kuhakikisha tunakusanya mapato kulingana na malengo yaliyopangwa, ili kuhakikisha bajeti hii inatekelezeka kwa ufanisi,” alisema Kataraia.
    Bajeti hiyo, ambayo imepitishwa kwa makubaliano ya Baraza la Madiwani, inatarajiwa kuchochea maendeleo katika sekta mbalimbali za kijamii na kiuchumi ndani ya Manispaa ya Singida.

    
    

    Edited · 1d

    
    

    
    

    See translation

    
    

    
    

    
    

    
    

    
    

    
    

    • 
      

      
      

      
      

      
      

      

      
      

      
      

      
      

      mushi6700