WAZIRI MKUU AWATAKA WANANCHI WA MANISPAA YA SINGIDA KUTOCHOCHEA VURUGU

Posted on: November 21st, 2025

Waziri Mkuu wa Jamhuri ya Muungano wa Tanzania, Dkt. Mwigulu Nchemba, amewataka wananchi kuzifahamu mbinu zinazotumiwa na watu wasio na nia njema na Taifa la Tanzania katika kuchochea vurugu, kwa kutumia njia nyepesi za kuwahadaa wananchi.

Akiwa mkoani Singida leo Novemba 21, 2023, katika ziara ya kikazi, Waziri Mkuu amesema:

“Nilipokuwa mtoto, tulikuwa tunagombanishwa kirahisi sana. Mtu anakuwekea takataka kichwani, zikianguka chini, halafu anakwambia ‘huyu kakutukania mama yako’… Kweli tuligombanishwa kirahisi sana. Sasa sitadondoka chini?” amesema.

Aliendelea kusema: “Hivi hawa watu wanatuonaje? Hivi wanatuonaje? Wengine nawaona wamepaki pale nchi moja ya jirani. Zamani walikuwa wananiomba hadi nauli, sasa hivi wametajirika, wamerundika na watu kule… Wametoa wapi fedha hizo kama hawajatumwa kuja kuvuruga nchi yetu?”

Dkt. Mwigulu ameyasema hayo alipozungumza katika mkutano wa hadhara uliofanyika kwenye Uwanja wa Bombadia, Halmashauri ya Singida Mjini, ulioandaliwa kwa ajili ya kumpokea baada ya kuapishwa kuwa Waziri Mkuu wa Tanzania.