DC GONDWE AFANYA ZIARA MAALUM MANISPAA YA SINGIDA

Posted on: September 5th, 2024

Mkuu wa Wilaya ya Singida, Mhe. Godwin Gondwe, pamoja na Mkurugenzi wa Manispaa ya Singida, Bi. Joanfaith Kataraia, wamefanya ziara maalum ya katika baadhi yamaeneo ya miradi ya Halmashauri ya Manispaa ya Singida katika kata za Misuna, Minga na Mandewa.

Ziara hiyo ya imefanyika leo Septemba 5, 2024 ikiwa na lengo la kuhakikisha ubora na uhalali wa maeneo yaliyotembelewa ambayo ni pamoja na Soko la Vitunguu Misuna, kata ya Minga eneo la Mnung'una inapotarajiwa kujengwa shule mpya ya sekondari ya kata ya Minga na maeneo 3 tofauti ya kona ya Mohamed, Kititimo na eneo la Sencon kwa ajili ya kuwahamishia wafanyabiashara wa soko la vitunguu kwa muda pindi ujenzi wa soko hili utakapoanza .

Mhe. Gondwe na timu yake wamepitia maeneo hayo kwa karibu, kwa lengo la kuhakikisha kwamba miradi hiyo itafanyika katika maeneo yenye ubora na kwamba wananchi wanapata huduma bora, kama ilivyoagizwa na serikali.