DC GONDWE AWATAKA WANANCHI WA MANISPAA YA SINGIDA KUTOA USHIRIKIANO ZOEZI LA UHAKIKI ANWANI ZA MAKAZI

Posted on: March 22nd, 2024

Wizara ya Habari , Mawasiliano na Teknolojia ya Habari,  imetoa elimu kwa Taasisi mbalimbali mkoani Singida, juu ya mfumo wa anwani za makazi na umuhimu wake katika kutoa huduma kwa wananchi.

Mafunzo hayo yamefanyika  leo  Machi 22, 2024 katika ukumbi wa mikutano ofisi ya Mkuu wa Mkoa iliyopo kata ya Mughanga Manispaa ya Singida ambapo wawakilishi wa taasisi mbalimbali zikiwemo taasisi za dini wameweza kushiriki.

 Kaimu Mkuu wa Mkoa wa Singida, Godwin Gondwe, ambaye pia ni Mkuu wa wilaya ya Singida alifungua mafunzo hayo kwa  kumshukuru Mhe Rais wa Jamhuri ya Muungano wa Tanzania, Dkt Samia Suluhu Hassan pamoja na wadau wote walioshiriki katika kuwezesha zoezi hilo la uhakiki wa  anwani  za makazi .

 Mkoa wa Singida ni miongoni mikoa mitatu iliyochaguliwa kuendesha zoezi hilo kidigitali. Mikoa mingine ni Kigoma na Iringa.

Gondwe amewataka viongozi hao wa taasisi za serikali na zisizo za kiserikali walioshiriki mafunzo hayo, kuhakikisha wanatoa elimu waliyoipata kwa wananchi wa Manispaa ya Singida ili kurahisisha kukamilika uhakiki huo.

Aidha, amewataka wananchi kutoa ushirikiano wa hali ya juu ili kurahisisha utekelezaji wa zoezi hilo, kwani mafanikio ya zoezi hili yatarahisisha upatikanaji wa huduma kupitia anwani zilizoainishwa katika  kila nyumba hivyo kufikika kirahisi ikiwa ni pamoja na kutangaza biashara kwa wale wafanyabishara.

Zozi hili kwa mkoa wa Singida lilianza Machi 13,2024 na linatarajiwa kukamilika Machi 26, 2024 aidha uhakiki huo utakuwa ni endelevu katika maeneo yote