DC SINGIDA AHIMIZA NIDHAMU KWA WATUMISHI, KISIKILIZA KERO ZA WANANCHI

Posted on: March 29th, 2024

Watumishi ngazi ya Kata wametakiwa kuonesha uadilifu Kwa kusikiliza kero za wananchi katika maeneo Yao na kuzitatua.

Mkuu wa wilaya ya Singida , Godwin Gondwe, ametoa wito huo Leo Machi 28, 2024 katika kikao kazi alichoitisha na kuhusisha Maafisa Tarafa, watendaji wa Kata, maafisa ugani, maafisa elimu Kata, na wakuu wa Idara na Vitengo, kikao kilichofanyika katika ukumbi wa maktaba wa shule ya sekondari ya Mwenge, Manispaa ya Singida.

Gondwe amesema, mafanikio katika utekelezaji wa majukumu ya watumishi yanatokana na nidhamu katika kazi hivyo kuwataka watumishi kuzingatia nidhamu Ili kufikia malengo Yao ya kazi.

Akizungumzia suala la utatuzi wa kero za wananchi, Gondwe amesema, watendaji wote wanapaswa kuanzisha daftari (rejesta) la kusajili kero walizokea na namna walivyoshughulikia Ili kuwa na kumbukumbu sahihi .

Aidha amesisitiza suala la ukusanyaji mapato katika mazao na mifugo na kuwataka maafisa ugani Kwa kushirikiana na watendaji wa Kata kujituma katika eneo Hilo na kudhibiti mianya ya upotevu wa mapato.

" Tulinde vyanzo vya mapato visipotee... Inawezekana Kwa watumishi kuwa na nidhamu ya kazi" amesisitiza Gondwe

Amewataka maafisa kilimo na mifugo kuisaidia Jamii kutofautisha baina ya maeneo ya makazi na maeneo ya malisho Ili kuepuka migogoro inayoweza kutokea.

Pamoja na hayo mkuu wa wilaya amewataka watumishi katika wilaya ya Singida kujipanga kwenda juu kimafanikio katika nyanja zote Ili kufikia malengo na maono ya kuifanya Singida kuwa Jiji.

Nao wajumbe wa kamati ya usalama wilaya wakitoka maoni Yao ambapo wamehimiA uwajibikaji na uadilifu Ili kufikia matokeo chanya na kurudisha Imani Kwa wananchi.

Wajumbe hao wamesema, watumishi wanapaswa kutambua nafasi zao Kama wasaidizi wa mkuu wa wilaya ambao Kwa kujituma kwao wataiwezesha Singida kwenda juu