Fedha za Mpango wa Maendeleo na Mapambano dhidi ya UVIKO – 19

Posted on: November 3rd, 2021

SHULE 15 ZA SEKONDARI, 4 SHIKIZI KUNUFAIKA NA FEDHA ZA MPANGO WA MAENDELEO KWA USTAWI WA TAIFA NA MAPAMBANO DHIDI YA UVIKO – 19 – MANISPAA YA SINGIDA

Halmashauri ya Manispaa ya Singida imepokea kiasi cha fedha Tshs. 840,000,000/- zinazotokana na Mpango wa Maendeleo kwa ustawi wa Taifa na Mapambano dhidi ya UVIKO – 19 ambazo zitatumika katika ujenzi wa vyumba vya madarasa.

Akitoa taarifa ya mapokezi ya fedha hizo Mchumi wa Manispaa ya Singida Ndg. Deus Luziga kwa niaba ya Mkurugenzi wa Manispaa alisema, fedha hizo zimepelekwa moja kwa moja katika shule 15 za sekondari ambapo jumla ya vyumba 34 vya madarasa vitajengwa na vyumba 8 vya madarasa katika shule shikizi 4 ikiwa ni vyumba 02 kwa kila shule.

Mpango huu wa ujenzi umepangwa kukamilika ifikapo Desemba 15, 2021 na madarasa kukabidhiwa tayari kwa kupokea wanafunzi walioandikishwa kwa mwaka wa masomo unaoanza Januari 2022.Tayari kamati mbalimbali katika ngazi ya Mkoa, Wilaya, Manispaa na katika Kata zenye miradi zimeundwa kwa ajili ya usimamizi wa miradi hiyo.

MRADI WA UJENZI WA MIUNDOMBINU YA ELIMU KWA SHULE ZA SEKONDARI      

MRADI WA UJENZI WA MIUNDOMBINU YA ELIMU KWA SHULE ZA MSINGI