KAMATI YA FEDHA NA UTAWALA YAPONGEZA USIMAMIZI MZURI WA MIRADI

Posted on: April 29th, 2024

Kamati ya fedha na utawala ya Halmashuri ya Manispaa ya Singida imepongeza kazi nzuri ya usimamizi wa miradi inayofanya na wataalam na kuwataka kuhakikisha ukamilishaji pia utafanyika Kwa viwango vyenye ubora zaidi.

Ushauri huo umetolewa Leo April 29, 2024, na wajumbe wa kamati ya fedha na utawala katika kikao cha majumuisho baada ya kukamilika Kwa ziara ya kutembelea miradi inayoendelea kutekelezwa.

Miradi iliyotembelewa ni pamoja na ujenzi wa nyumba ya mkurugenzi eneo la Bomani Kata ya Mughanga, ujenzi wa jengo la dharura pamoja na jengo la wazazi, Hospitali ya Manispaa Kata ya Ipembe, na ujenzi wa vyumba 02 vya madarasa shule ya Msingi Ukombozi katika Kata ya Majengo.

Wajumbe wa kamati hiyo wamesema miradi yote waliyotembelea imetekelezwa Kwa kiwango chenye ubora na kushauri kuzingatia ubora huo pia kwenye hatua ya ukamilishaji (Finishing).

Kwa namna nyingine pongezi zimetolewa Kwa wataalam na wajumbe hao kwa kusimamia vizuri utekelezaji wa miradi katika Kila hatua nakutoa rai Kwa wataalam kuendeleza ari hiyo na Kasi ya utekelezaji Kwa miradi yote inayoendelea kutekelezwa Ili kuweza kukamilika Kwa wakati.

Aidha wameitaka ofisi ya mkurugenzi kuwa na kanzi data ya mafundi wanapotekeleza shughuli zao kwa viwango vya ubora Ili kuwatumia pindi miradi mingine itakapotekelezwa.

Naye Mkurugenzi wa Manispaa ya Singida Jeshi Lupembe, ametoa shukrani kwa waheshimia madiwani na hasa wa kamati hiyo Kwa mawazo, ushauri katika kuhakikisha miradi inatekelezwa katika ubora unaohitajika.

"....Team work baina ya madiwani na wataalam itatuwezesha kuona Singida inayokua", amesema Jeshi.

Akihitimisha kikao cha majumuisho, Naibu Meya, Godfrey Mdama, amesema mafanikio hayo yametokana na ushirikiano uliopo baina ya wataalamu na wah. Madiwani na kutaka ushirikiano huo uendelee kudumishwa Kwa maslahi mapana ya Maendeleo ya Manispaa ya Singida.

"Waheshimia madiwani na wataalam ni kitu kimoja, tuendelee kushauriana Kwa upendo kwani lengo letu ni Moja, kuisogeza Manispaa yetu mbele", amesema Mdama.