KAMPENI YA TWENDE BUTIAMA 2023 YAPANDA MITI 400 SINGIDA

Posted on: October 7th, 2023

KAMPENI ya TwendeButimua23 ambayo inaendelea kwa sasa nchini, jana iliweza kuacha alama ndani ya Manispaa  ya Singida baada ya kufanikiwa kupanda miti zaidi ya 400 katika eneo la Manguanjuki.

TwendeButiama23 ni kampeni ambaye inawashiriki waendesha baiskeli  kutoka mataifa tofauti ikiwemo  Rwanda na wenyeji Tanzania wakiongozwa na aliyekuwa mtangazaji wa BBC, Salim  Kikeke.

Kampeni hii ni maalum kwa ajili ya kumuezi kwa vitendo  Baba wa Taifa, Hayati Mwalimu Julius Kambarage Nyerere , kwa kuboresha mazingira mbalimbali ya Shule  pamoja na uhamasishaji na utunzaji wa mazingira  kupitia zoezi upandaji wa miti.

Katika kampeni ya TwendeButiama 23 ndani ya Manispaa ya Singida  walipokelewa jana Ijumaa na Mkuu wa Mkoa wa Singida, Peter Serukamba.

TwendeButiama ndani ya Manispaa  ya Singida walifanikiwa kupanda miti zaidi ya 400 katika eneo la  Manguanjuki ikiwa ni sehemu ya utunzaji wa mazingira.

Kampeni hii inatarajiwa kuhitimishwa Oktoba 14 mwaka huu, Butiama, Mara, ikiwa ni siku ya kumbukumbu ya kifo cha Baba wa Taifa, Hayati Julius Kambarage Nyerere.