MAADHIMISHO SIKU YA WANAWAKE DUNIANI KUWEKA HISTORIA SINGIDA.

Posted on: January 21st, 2025

Mkuu wa Mkoa wa Singida Mhe.Halima Dendego ameongoza kikao kifupi cha tathmini kuelekea maandalizi ya siku ya maadhimisho ya siku ya wanawake duniani kwa mwaka 2025 leo tarehe 21/1/2025 katika ukumbi wa Ofisi ya Mkuu wa Mkoa.

Kikao hicho kimehudhuriwa na viongozi mbalimbali wakiwemo Katibu Tawala wa Mkoa wa Singida Daktari Fatuma Mganga,Wakurugenzi wa Halmashauri, wakurugenzi wa Taasisi mbali mbali,Makatibu Tawala wasaidizi,Maafisa maendeleo ya jamii,na wengineo.

Baadhi ya maazimio yaliyofikiwa ni kuwepo kwa sare maalum ya kuvaa siku ya kilele Tarehe 8 Machi,huku matukio mbali mbali kama vile uandaaji wa maonesho ya vikundi vya wanawake wajasiriamali,uandaaji wa makongamano yaliyobeba ujumbe na kauli mbiu ,utoaji wa tuzo kwa wanawake vinara/mfano wa kuigwa,kuendesha mashindano mbali mbali ya kitaaluma na kimichezo kwa lengo la kuelimisha.

Pia kutakua na kliniki ya misaada wa kisheria inatarajia kuwepo kwa kutolewa misaada wa kisheria,mirathi,umiliki wa ardhi,kutoa vyeti vya NIDA na RITA huku wanawake wakishiriki kwenye miradi ya kijamii kwa kujitokea nguvukazi kwa lengo la kuongeza kasi ya utekelezaji miradi inayoendelea katika Mkoa.

Kauli mbiu ya maadhimisho haya mwaka 2025 ni "WANAWAKE, WASICHANA 2025,TUIMARISHE HAKI ,USAWA NA UWEZESHAJI".