MANISPAA YA SINGIDA YAVUKA LENGO CHANJO YA SURUA NA RUBELLA

Posted on: February 19th, 2024

Halmashauri ya Manispaa ya Singida imefanikiwa kutoa chanjo ya Surua na Rubella kwa watoto wapatao 29,743 ikiwa sawa na asilimia 122.62.

Hii ni hatua kubwa kwa Halmashauri ya Manispaa ya Singida ambayo imefanikiwa kuvuka lengo lililowekwa katika zoezi hilo la utoaji wa chanjo.

Kampeni ya Kitaifa ya Chanjo ya Surua na Rubella ilianza rasmi Februari 15-18, mwaka huu, na chanjo hiyo imetolewa vituo vyote vya huduma za afya vya Manispaa ya Singida pamoja na vile vituo maalum ambayo vilivyowekwa.

Manispaa ya Singida awali lengo lao ilikuwa ni kuwafikia watoto wapatao 24, 256, lakini katika zoezi hilo wamefanikiwa kuchanja jumla ya watoto 29, 743 ambao ni sawa na asilimia 122.62.

Kampeni hiyo ya Chanjo ya Surua na Rubella, ilizinduliwa na Mstahiki Meya wa Manispaa ya Singida, Yagi Kiaratu, katika Hospitali ya Manispaa ya Singida na lengo kubwa ni kuhakikisha watoto wanakuwa na afya njema na wanaepuka magonjwa yale ya mlipuko na kuzuia vifo.