MKURUGENZI WA MANISPAA AFANYA UKAGUZI CHANJO/MIRADI

Posted on: February 16th, 2024

KATIKA kuhakikisha mambo yanakwenda sawa na chanjo inawafikia walengwa Mkurugenzi wa Manispaa ya Singida, Jeshi Lupembe akiwa na Mganga Mkuu wa Manispaa, Dr Anwar Milulu walifanya ziara katika vituo tofauti ndani ya Manispaa kuona hali halisi ya utoaji chanjo tangu kuanza kwake jana.

 Manispaa ya Singida, leo Ijumaa, ilizindua rasmi Kampeni ya Kitaifa ya Chanjo ya Surua na Rubella, ingawa utoaji wa chanjo hiyo ulianza rasmi Februari 15 mwaka huu katika vituo vyote.

 Katika kuhakikisha mambo yanaenda sawa Mkurugenzi na Mganga walifanya ziara maalum ya kutembelea sehemu za kutoa huduma katika kata zile za pembezoni wa mji kuona mambo yakoje hasa mwitikio wa wananchi kupeleka watoto kupata chanjo.

 Mkurugenzi alitembelea katika Zahanati ya Ititi iliyopo kata ya Uhamaka, Zahanati ya Mwankonko, Zahanati ya Unyianga iliyopo kata ya Unyinga, Zahanati ya Kisaki ambayo ipo kata ya Kisaki pamoja n Hospitali ya Manispaa pamoja na baadhi ya vile vituo maalum kwa ajili ya chanjo.