RAIS SAMIA APONGEZA KILIMO CHA UMWAGILIAJI MKOA WA SINGIDA

Posted on: August 8th, 2024

Rais wa Jamhuri ya Muungano wa Tanzania, Dkt. Samia Suluhu Hassan, ametoa pongezi kwa jitihada za kilimo cha umwagiliaji katika mkoa wa Singida wakati alipotembelea vipando vya mkoa huo. Katika ziara hiyo ya leo, 8 Agosti, 2024, Rais Samia amesisitiza umuhimu wa elimu kwa wakulima ili kuboresha matumizi ya umwagiliaji, akibainisha kwamba uwepo wa maji ni muhimu kwa ustawi wa mazao.

Rais Samia pia amempongeza Mkuu wa Mkoa wa Singida, Halima Dendego, kwa usimamizi mzuri wa shughuli za kilimo mkoani humo.

Rais amehimiza kwamba elimu ya kilimo cha umwagiliaji ni njia muhimu ya kuendeleza sekta ya kilimo na kuongeza tija kwa wakulima.

Kwa upande wake, Mkuu wa Mkoa wa Singida, Halima Dendego, amemuhakikishia Rais wa Jamhuri ya Muungano wa Tanzania, Dkt. Samia Suluhu Hassan, kuwa amepokea maagizo yake ya kutoa elimu kwa wakulima kuhusu kilimo cha umwagiliaji.

Dendego alibainisha kuwa mkoa wa Singida utaweka mkazo katika kutoa elimu hiyo ili kuhakikisha wakulima wanapata mazao ya uhakika kupitia kilimo hicho.