SERIKALI MKOANI SINGIDA YATOA MAAGIZO KWA MAAFISA WATUMISHI

Posted on: October 20th, 2023

Serikali mkoani Singida,imewaagiza Maafisa Utumishi na Wakuu wa Idara kuhakikisha wanasimamia watumishi kwa kutatua changamoto zao iliwaweze kufanya kazi kwa ufasaha.

Dkt Fatma Mganga ametoa maelekezo hayo leo, Oktoba 20, 2023, katika kikao alichoitisha cha kusililiza kero na maoni mbalimbali ya watumishi wa Halmashauri ya Manispaa ya Singida kikao kilichofanyika katika ukumbi wa Maktaba wa Shule ya Sekondari ya Mwenge.

Kikao hicho kilihudhuriwa na Mkurugenzi wa Manispaa ya Singida, Jeshi Lupembe, na Wakuu wa Idara na vitengo Watendaji wa Kata, Vijiji na Mitaa, pamoja na wawakilisha wa walimu wa Shule za Sekondari na Msingi za Manispaa na watumishi wote wa makao makuu ya Manispaa.

Dkt Mganga amewataka Maafisa Utumishi na Wakuu wa Idara na vitengo kuhakikisha wanafanya kazi kwa kuzingatia sheria kwa watumishi walio chini yao bila kufanya upandeleo.

Aidha amesisitiza kuwa madeni yote ya watumishi yawasilishwe na kukaguliwa Ili kuweza kufanyiwa kazi mara moja.

Agizo Hilo limeekuja baada ya watumishi kulalamikia malimbikizo ya madeni yao ya nyuma.

Dkt Mganga ametoanagizo pia kwa Maafisa Elimu kutatua changamoto za walimu, ili kuhakikisha wanafanya kazi kwa ufasaha.

“Maafisa Elimu nasisitiza msifanye kazi kwa upendeleo kwa sababu malalamiko yamekuwa ni mengi kwenu na kama mkiendelea hivyo mnaweza kutolea tatue changamoto za walimu kuanzi huko chini.” amesema Mganga