SERUKAMBA: PONGEZI MKUU WA WILAYA, MSTAHIKI MEYA NA MKURUGENZI WA MANISPAA SINGIDA KWA UBORA WA KIWANGO CHA JUU MRADI YA BOOST

Posted on: July 18th, 2023

Mkuu wa Wilaya Singida, Mstahiki Meya na Mkurugenzi wa Manispaa wamepongezwa kwa utekelezaji mzuri na wa kiwango cha juu wa miradi ya Boost na kusema kazi iliyofanyika ni kubwa sana inayostahili pongezi.

Mkuu wa Mkoa wa Singida Peter Serukamba ametoa pongezi hizo leo tarehe 18 Julai, 2023 baada ya kukamilisha ziara yake katika Halmashauri za Iramba, Mkalama, Singida Vijijini na Manispaa ya Singida , lengo likiwa ni kujiridhisha na hali ya ukamilishaji wa miradi hiyo kabla ya kukabidhiwa rasmi kwake Jumamosi  wiki hii. Ziara kama hiyo imefanywa pia katika Wilaya za Ikungi na Manyoni na Katibu Tawala wa Mkoa Singida Dkt. Fatma Mganga

“ Nia ya ziara ni kujiridhisha na hali ya ukamilishaji wa miradi hasa zile shule mpya lakini pia ujenzi wa madara. niwapongeze wenzangu wote  wa mkoa mzima, tumefanya vizuri sana…..” amesema Serukamba

Serukamba amesema miradi mingi imekamilika kwa aslimia 100 wakati michache ikiwa katika asilimi 95 na hivyo kutoa muda hadi Jumamosi tarehe 22 Julai, 2023 miradi yote iwe imekamilika tayari kwa kukabidhiwa.

Ametoa pongezi kwa Mkuu wa Wilaya ya Singida Mhadisi Paskasi Muragili, Mstahiki Meya wa Manispaa ya Singida Yagi Maulidi Kiaratu na Mkurugenzi wa Manispaa Jeshi Lupembe kwa kazi kubwa iliyofanyika ya ujenzi wa shule mpya mbili pamoja na vyumba vya madarasa katika shule za msingi ambapo amesema ujenzi umekamilika kwa asilia 100.

Aidha pongezi nyingine zimeelekezwa kwa wasimamizi na watekelezaji  wote wa miradi hasa ya BOOST katika ngazi ya mkoa na halmashauri na kuongeza kuwa bila wao miradi hiyo isingefikia kiwango hicho.

Mkuu wa Mkoa amewataka madiwani katika kata zenye miradi ya Boost kuwahamasisha wananchi  kushiriki  katika zoezi la  usafi wa mazingira pamoja na  vyumba vya madarasa katika shule hizo  tayari kwa kukabidhiwa.

Pamoja na hayo, Mkuu wa Mkoa Serukamba ameagiza zoezi la upandaji wa miti kuzunguka shule mpya zilizojengwa kufanyika kwa ajili ya vivuli lakini pia kupendezesha mandhari ya shule hizo.

Serukamba amesema makabidhiano kimkoa ya Mradi mkubwa wa Boost yanatarajiwa kufanyika katika shule mpya ya msingi  Imbele           (Minga) mapema wiki kesho.

Mkuu wa Mkoa amempongeza Rais wa Jamhuri ya Muungano wa Tanzania , Dkt. Samia Suluhu Hassan kwa kuendeleza na kuwekeza katika  maisha ya watu kupitia sekta ya elimu, afya, maji, umeme  na barabara.

Kwa namna ya kipekee amewapongeza wakuu wa wilaya katika Mkoa wake kwa usimamizi na ufuatiliaji wa kina wa miradi yote ya maendeleo inayotekelezwa katika wilaya zao.

Amesema miradi hii ya uboreshaji wa miundombinu ya shule kwa kiasi kikubwa itapunguza msongamano wa wanafunzi madarasani na kuongeza usikivu kwa wanafunzi pia kuwawezesha walimu kuwafikia wanafunzi wote katika darasa na hivyo kuongeza ufaulu.

Amesema Mkoa wa Singida una vijiji 441 na kwamba ifikapo Juni 2024 kila kijiji katika Mkoa wa Singida kitakuwa na umeme

 “ ….mimi na wakuu wa wilaya kazi yetu ni moja, kuhakikisha miradi inatekelezwa kwa kiwango chenye ubora wa juu, sio boost peke yake bali miradi yote kuhakikisha inaenda vizuri”, amesema Serukamba

Zaidi ya Tshs. Bilioni 9 zimetumika kutekeleza Mradi wa Boost katika mkoa wa Singida