SINGIDA YAPANDA UMITASHUMTA TAIFA

Posted on: June 15th, 2024

Wakati mashindano ya UMITASHUMTA Taifa yakifungwa rasmi leo Juni 15, 2024 ,Mkoa wa Singida umemaliza nafasi ya saba kitaifa katika matokeo ya jumla ikishiriki mikoa 28 ya Tanzania.

Singida imefanikiwa kumaliza nafasi hiyo, ikiwa ni ya juu, baada ya mwaka jana kumaliza nafasi ya tisa katika michuano hiyo ya kitaifa.

Mkoa wa Singida ambao umemaliza nafasi ya saba katika michuano hiyo ikiondoka katika michuano hiyo kwa tabasamu baada ya kuondoka na makombe matatu.

Makombe hayo ni kombe la mshindi wa tatu wa riadha kitaifa kwa upande wa wasichana, kombe la kizazi kipya mshindi wa tatu kitaifa na kombe la fani za ndani mshindi watatu kitaifa.

Katika mashindano hayo ya UMITASHUMTA, Mkoa wa Singida umeondoka na medali 15 na kati ya hizo medali za dhahabu saba, silver sita na za shaba mbili.

Licha ya hizo medali 15 na makombe matatu katika michuano hiyo ya UMITASHUMTA upande wa riadha Singida ilivunja rekodi mbili za kuruka na relay kwa mita 400.

Singida imeshiriki vyema katika michuano hiyo ambayo ilikuwa inatimiza miaka 50 tangu kuanzishwa kwake.