UTT AIMS WATOA MAFUNZO KWA MANISPAA YA SINGIDA

Posted on: February 7th, 2024

MFUKO wa Uwekezaji wa UTT AMIS ambao upo chini ya Wizara ya Fedha na Mipango, umetoa mafunzo kwa Wafanyakazi wa Halmashuri ya Manispaa ya Singida namna ya kuwezeka katika mifuko tofauti ndani ya Taasisi ya UTT AMIS ukiwa ni uwekezaji salama.

Mafunzo hayo yaliongozwa na Afisa Masoko Mwandimizi wa UTT AMIS, Rahim Mwanga ambaye alitoa mafunzo hayo kwa wafanyakazi katika Ukumbi wa Ofisi za Halmashuri ya Manispaa ya Singida leo Februari 06, 2024.

Katika mafunzo hayo,Mwanga aliweza kueleza namna ya uwekezaji katika mfuko huo na lengo kubwa la UTT AMIS ni kuhakikisha wananchi wanajiwekea akiba katika masoko ya fedha na mitaji.

Aidha katika mafunzo hayo, wafanyakazi wamepewa elimu kuhusu mifuko mbalimbali iliyoanzishwa na UTT AMIS namna ya kuitumia na faida zake.

Mifuko hiyo ni kama Umoja Fund ambao lengo lake ni kukuza mtaji, Wekeza Maisha ambao faida yake unapata bima ya maisha, lakini kuna Mfuko wa Watoto, Mfuko wa Kujikimu ambao unatoa gawio na kukuza mtaji, UKwasi Fund mfuko ambao unafanya uwekezaji muda mfupi na mrefu kwa taasisi/vikundi au watu binafsi na Bond Fund.

Kaimu Mkurugenzi wa Manispaa, Jeremiah Kikonge amewapongeza UTT AMIS kwa mafunzo mazuri kwa watumishi kwani anaamini kuwa watumishi watawekeza katika mifuko salama.

Pia Mkurugenzi amewaomba Taasisi hiyo wakipata nafasi wakati mwingine waendelee kutoa mafunzo zaidi kwa wafanyakazi wengine kama sekta ya afya, elimu na kwingine .