WANANCHI 35 WAFANYIWA UPASUAJI WA MTOTO WA JICHO SINGIDA

Posted on: May 29th, 2025

Jumla ya wananchi 35 wamefanyiwa upasuaji wa mtoto wa jicho katika kliniki tembezi ya macho iliyofanyika katika Hospitali ya Halmashauri ya Manispaa ya Singida kwa kushirikiana na Shirika la Sightsavers.

Mratibu wa Afya ya Macho wa hospitali hiyo, Dkt Yahaya Ngaima, alisema huduma hiyo ni endelevu na itaendelea kutolewa hospitalini hapo kwa ajili ya kuwasaidia wananchi wenye matatizo ya macho.

Zoezi hilo lilianza Mei 26, mwaka huu na linatarajiwa kuhitimishwa leo Alhamisi, ambapo zaidi ya wagonjwa 80 wamepatiwa matibabu ya macho huku 35 kati yao wakifanyiwa upasuaji wa mtoto wa jicho na wote wanaendelea vizuri baada ya matibabu.