WANANCHI MANISPAA YA SINGIDA WAMETAKIWA KUJITOKEZA KUSHIRIKI SHUGHULI ZA MAENDELEO

Posted on: May 9th, 2023

Wananchi wa Manispaa ya Singida wametakiwa kuendelea kushiriki shughuli za maendeleo kwa kujitolea  nguvu kazi kwenye miradi mbalimbali ya maendeleo inayotekelezwa na serikali ili kupunguza gharama za ujenzi wa miradi hiyo na kuiwezesha kukamilika kwa wakati.

Rai hii imetolewa na Mstahiki Meya wa Manispaa ya Singida, Yagi Maulid Kiaratu, ambaye pia ni mwenyekiti wa Kamati ya Fedha na utawala, wakati wa  ziara iliyofanywa na kamati hiyo katika miradi ya maendeleo.

Kiaratu amesema kamati yake imeridhishwa na utekelezaji mzuri wa miradi pia ushiriki wa wananchi wa kata ya Mtipa, katika utekelezaji huo na hivyo kutoa rai kwa wananchi wote wa Manispaa ya Singida kujitokeza na kushiriki katika utekelezaji wa miradi jambo ambalo sio tu litapunguza gharama za mradi bali pia kuwezsha miradi hiyo kukamilika kwa wakati.

Pamoja na rai iliyotolewa, Mstahiki Meya pia ametoa agizo kwa wananchi  la kuitunza miradi hiyo pindi inapokamilika na kuanza  kutumika.

Kamati hiyo imetembelea Ujenzi wa jengo la Mama na Mtoto la Zahanati ya Unyamikumbi, Hospitali ya Manispaa ya Singida, Kituo cha Afya Mtipa na Ujenzi wa jengo jipya la utawala la Manispaa ya Singida, na kupokea taarifa za utekelezaji wa Miradi hiyo.

Mstahiki Meya wa Manispaa ya Singida , Yagi Maulid Kiaratu akizungumza na wananchi wa kata ya Unyamikumbi waliofika katika zahanati ya Unyamikumbi kupata huduma za afya

Mwenyekiti wa kamati ya fedha , Utawala na Mipango, Mstahiki Meya wa Manispaa ya Singida, Yagi Maulid Kiaratu pamoja na wajumbe wa kamati hiyo, wakioneshwa mipanga ya eneo la zahanati ya Unyamikumbi inayaotarajiwa kupandiswa hadhi na kuwa kituo cha afya

Wajumbe wa kamati ya Fedha , Utawala na Mipango walipotembelea mradi wa jengo jipya la utawala la Manispaa ya Singida.  Halmshauri ya Manispaa iya Singida imepokea fedha kiasi cha Tshs. Bilioni 1 kwa ajili ya ujenzi wa jengo hilo kwa awamu ya kwanza

Jengo la maabara katika kituo kipya cha afya Kata ya Mtipa kinachojengwa kwa fedha za mapato ya ndani ya Manispaa kikiwa katika hatua za mwisho za ukamilishaji ya uwekaji milango 

Jengo la OPD likiwa katika hatua za mwisho za ukamilishaji . Kiasi cha Tshs. 250,000,000/- kimetumika kwa ujenzi wa majengo hayo mawili  pamoja na kichomea taka kwa awamu ya kwanza. Awamu ya pili inayohusu jengo la mama na mtoto , upasuaji na jengo la kufulia tayari umeanza utekelezaji