WANAWAKE , VIJANA NA WENYE ULEMAVU KUNUFAIKA NA 10% YA MAPATO YA NDANI 2022/2023

Posted on: November 15th, 2022

Halmashauli ya Manispaa ya Singida inatarajia kutoa mkopo wa kiasi cha Tsh.114,323,617.4 kwa vikundi vya wanawake, vijana na watu wenye walemavu, ikiwa ni asilimia 10 ya mapato ya ndani pamoja na fedha za mzunguko ( marejesho)

Hayo yamesemwa na Kaimu Afisa Maendeleo ya Jamii  Chrispin Nyaulingo kupitia taarifa yake aliyowasilisha katika kikao cha kamati ya mikopo ya wilaya kilichofanyika Novemba 10 mwaka huu katika ukumbi wa Manispaa.

Nyaulingo alisema, jumla ya vikundi 72 tayari vimewasilisha maombi ya kupatiwa mkopo kupitia mfumo ambapo kati ya vikundi hivyo vilivyoomba 41 ni vya wanawake, 28 vijana na 1 wateu wenye ulemavu.

“Kwa robo ya kwanza zaidi ya milioni mia moja zinatarajiwa kukopeshwa ambazo ni fedha za mapato ya ndani na fedha za mzunguko wa marejesho” amesema Nyaulingo

Akitoa  ufafanuzi wa mgawanyo wa fedha ambazo ni asilimia 10 ya makusanyo ya ndani, Kaimu Afisa Maendeleo ya Jamii wa Manispaa amesema  kuwa sh. 168,080,000 zimetengwa kwa ajili ya vikundi vya wanawake, sh. 168,080,000 kwa ajili ya vijana na sh. 84,040,000 ni kwa watu wenye ulemavu.

Akizungumzia kuhusu hali ya marejesho ya fedha za mikopo, Nyaulingo amesema  kwa kipindi cha julai- septemba Manispaa imeweza kufanya ufuatiliaji wa fedha za marejesho na kufanikiwa kukusanya jumla ya Tsh.69,512,500.0 kutoka kwenye vikundi vya wanawake ,vijana na watu wenye ulemavu ikiwa ni marejesho ya mwaka wa fedha 2021/2022.

Mbali na utoaji wa mikopo hiyo, Halmashauri kupitia Idara ya Maendeleo ya Jamii imeendelea kutoa elimu kwa vikundi kuhusu taratibu za uombaji mikopo kupitia mfumo sambamba na uhamasishaji  jamii kujiunga katika vikundi vya kiuchumi ili kuwezaambayo kupitia asilimia kumi ya mapato ya ndani ya Manispaa wanapata mikopo isiyo na riba ili waweze kufanya shughuli mbalimbali zitakazo wawezesha wananchi kujikwamua kiuchumi.

Kwa mwaka 2022/2023 Manispaa imetenga kiasi cha Tshs.420,200,000 kwa ajili ya mikopo ya makundi maalum kupitia makusanyo ya ya ndani na fedha za mzunguko za marejesho.