MKURUGENZI WA MANISPAA YA SINGIDA AKAGUA MIRADI BOOST

Posted on: November 28th, 2025

Katika kuhakikisha ifikapo Januari 2026 wanafunzi wanaanza masomo yao bila vikwazo, Mkurugenzi wa Manispaa ya Singida, Bi Joanfaith Kataraia leo Novemba 28, 2025 ametembelea miradi ya BOOST na ametoa maelekezo kwa msimamizi wa miradi hiyo.

Maelekezo hayo ni pamoja na kuhakikisha miradi hiyo inakamilika kwa wakati na ikiwa katika kiwango bora ilikuhakikisha wanafunzi wanapolekewa shuleni bila vikwazo ifikapo Januari 2026.

Miradi hiyo ya BOOST inahusisha ujenzi wa madarasa na vyoo kwa shule za msingi pamoja na awali katika baadhi ya Shule ndani ya Manispaa ya Singida.

Bi Kataraia alitembelea na kukagua madarasa mawili na matundu ya vyoo 06 ambayo yanajengwa katika Shule ya Msingi Unyankhae, Shule ya Awali ya Kisasa katika Shule ya Msingi Uhamaka madarasa mawili na matundu ya vyoo 06.

Lakini pia alikagua ujenzi wa Madarasa mawili na matundu ya vyoo 06 katika Shule ya Mwaja huku katika Shule ya Kimai kuna ujenzi wa madarasa mawili ya msingi na matundu ya vyoo 13 huku Madarasa mawili ya awali pamoja na matundu ya vyoo 06.

Mbali na shule hizo lakini alikagua ujenzi wa Shule mpya kabisa ya mkondo mmoja ya Unyamikumbi B ambapo hapa pana shule ya msingi yenye madarasa 07 na ile ya awali ya kisasa.

"Ujenzi unaenda vizuri, lakini muongoze spidi katika ujenzi nataka kuona ujenzi unakuwa wa kiwango bora na kila kitu kifuate taratibu zote za manunuzi. Miradi hii ikikamilika kwa ubora na kiwango cha juu itakuwa ni jambo zuri zaidi bila kusahau madawati ya wanafunzi watakapoanza masomo Januari kila kitu kiwekamilika."