RC DENDEGO AZINDUA KLINIKI YA KERO MKOA WA SINGIDA

Posted on: June 5th, 2024

• 
  

  
  

  
  Mkuu wa Mkoa wa Singida, Mh Halima Dendego amezindua rasmi, Kliniki ya Kero za Wananchi wa Mkoa wa Singida na lengo ikiwa ni kutatua na kumaliza kero za wananchi hao, ilikuendelea kulijenga taifa bora na imara na lenye maendeleo.
  
  Uzinduzi huo, umefanyika leo Juni 6, 2024 katika Viwanja vya Ofisi ya Mkuu wa Mkoa wa Singida na kuhudhuriwa na viongozi wa serikali chama na wananchi ambao walikuja kupatiwa utatuzi juu ya kero zao.
  Mh Dendego amesema amezindua zoezi hilo kwa ajili ya kupunguza kero za wananchi na ametoa maelekezo namna ambavyo kero hizo zitakuwa zikitatuliwa kwa Mkoa wa Singida.
  
  Kiongozi huyo amesema: “Leo tumezindua rasmi kliniki kwa ajili ya kero za wananchi wa Mkoa wa Singida. Lakini tutasikiliza hizi kero kwa utaratibu ambapo hapa mkoani nitasikiliza kero mara moja kwa mwezi siku kama hii, (Alhamis) na hapa zitasikiliza zile rufaa zilizotoka wilaya na manispaa.
  
  “Lakini kwa kila wilaya kero zitakuwa zikisikilizwa siku ya Alhamisi na sisi kama viongozi tutakuwa tunazunguka kusaidiana katika hili. Serikali yetu inapambana kuleta maendeleo katika kila sekta, lakini kumekuwa na changamoto ndogondogo zinakuwepo ndiyo maana tunakutana pamoja na kutatua changamoto hizo.
  
  “Leo hapa tutamsikiliza kila mwananchi na lengo ni kuhakikisha tunamaliza hizi kero na kama kutakuwa na kero ambazo zinahitaji hatua tutachukua hapahapa.”
  
  Hata hivyo uzinduzi huo uliudhuriwa na wakuu wa wilaya zote, wakurugenzi na wataalam kutoka halmashauri zote za Mkoa wa Singida na Ofisi ya Mkuu wa Mkoa wa Singida.

  
  

  26s

  
  

  
  

  See translation