"VIJANA WAJULISHWE YANAYOTEKELEZWA NA SERIKALI "

Posted on: July 8th, 2024

Kiongozi wa Mbio za Mwenge wa Uhuru kitaifa, Ndugu Godfrey Eliakimu Mnzava amepongeza Kongamano la Vijana ambalo lilikuwa bora huku akisisitiza kuwa vijana waelekezwe mambo ambayo yanatekelezwa na awamu ya sita wajue nini kinaendelea.

Hayo yamesemwa leo Julai 8, 2024 katika Kongamano la Vijana ambalo limefanyika katika Uwanja wa Bombadia ambapo Mkesha wa Mwenge wa Uhuru utafanyika na maada tofauti zilitolewa na wataalum mbalimbali.

Baadhi ya maada ambazo zilitolewa katika Kongamano hilo ni pamoja Elimu ya Mpira Kura, Falfasa ya Mwenge wa Uhuru,Elimu ya Utunzaji fedha, Wajibu wa Kijana na kati ya maada hizo, Mwenyekiti wa UVCCM, Taifa, Comrade Mohamed Kawaida alitoa maada kwa vijana.

Vijana zaidi ya 1000 walijitokeza katika Kongamano la Vijana ndani ya Manispaa ya Singida likiwa na amshamsha za kutosha.

Kiongozi wa Mwenge wa Uhuru Kitaifa alisema amefurahishwa na namna kongamano la vijana lilivyofana na ushiriki mkubwa viongozi na wadau mbalimbali.

Mnzava alisisitiza kuwa:"Vijana kwa sasa wanatakiwa kuelezwa na kujulishwa mambo yanayotekelezwa na awamu ya sita wajue nini kinaendelea litakuwa ni jambo jema na watajifunza kitu.

"Lakini niwapongeze sana kwa Kongamano hili katika Halmashuri 99 nilizopita hapa naona mmefanya vizuri kuwa na vijana zaidi ya 1000 ninaamini watakuwa wamejifunza kitu.

"Makongamano kama haya kwa vijana yanawapa vijana nafasi ya kujifunza mambo mengi lakini wanakutana pamoja na wanajifunza mambo mengi na jambo la msingi ni vijana kufanyia kazi yale wanayoelekezwa na wanayoendelea kujifunza."

Hata hivyo kiongozi w Mbio za Mwenge wa Uhuru Kitaifa amesisitiza kuwa makongamano ya vijana yaendelea kufanyika kwani yatakuwa msaada kwa vijana.